Erste Woche in Peru

Sodeli, ez find ich aumal ziit zum dae Blogg aktualisiere...;-)

Es isch scho sehr viel gscheh die Wuche...aber am beste fang ich mal vo vorne a...Ich han en super Flug gha, en Logeplatz sozaege (bin zvorderstvorne gsi und han mini bei super choene usstrecke) Dae Service vo Iberia het wuerkli sehr z'wuensche uebrig la, aber ich bin froh gsi, han ich vo dihei zaesse mitgna, will 1. ischs aesse noed fein gsi und 2. hets fascht nuet gaeh ;-) aber das hani ja im Vornherein gwuesst. Ufem Flug hends daenn 2 Film zeiget, ein daevo isch Australia gsi. Dae hani eh scho lang mal wele luege:-) Ich bin daenn in Lima acho und s'erschte woni gad festgstellt han isch, dass mis Natel noed funktioniert. Ich han daenn im Lauf vo dae Wuche usegfunde, dases am Natel und noed ade SIM Charte liit. Ez bringt mir d Miri am Maentig mis andere Natel und daenn mal luege obs funktioniert...
Guuet, daenn ischs as Warte vom Gepaeck gange...mis Gepaeck het und het eifach noed wele cho, bis ich daenn am Schluss wos Laufband abgstellt het na mit ca. 5 anderne doete gstande bin ohni Gepaeck...! Mir sind daenn goge reklamiere und da hani gmerkt, wie chlii mini spanischkenntnis au wuerkli sind ;-) guet, ich han daenn alles agaeh etc. und bin daenn usem Flughafe. Zum Glueck het da dae Driver uf mich gwartet und mich zude Familie bracht :-)

Aso nu als chliini Amerkig: Ich han mis Gepaeck na immernanig...! Mir sind riise am Terror mache bide Iberia, mini Gastmueter da ufd Iberia Lima, mini Eltere ufd Iberia Zueri und mini Kollegin ufd Iberia in Madrid...Ja, meh choemmer noed mache. (ussert het vo oi oepper en Tipp??) Sguete isch dassd Miri am Maentig chunt und mir namal en ganze Rucksack mit mine Sache mitbringt. Mis Mami isch mir namal alles goge Poste gange, vo Rucksack ueber Schlafsack zu Trekkinghose...eifach alles! DANKE VIEL VIEL MAL NAMAL A DERE STELL!! :-)

Ja ich bin daenn di ganze Wuche id Schuel gange und han miteme Privatlehrer mis Spanisch wuerkli sehr choenne verbessere. Gaht ez scho ziemli guet zum kommuniziere :-) Da ich ebe die Wuche sehr viel im Internet, am Telefon oder eifach am Gepaeck naseckle verbracht han, hani leider nanig sehr vieles vo Lima gseh. Aber vorgester am Abig simmer mit dae Schuel goge Salsatanze. Gester Namitag hani chli was vo Miraflores (Stadviertel in Lima) gseh und au s'Zentrum vo Lima und dae Ussichtsberg San Cristobal. Vo dete obe hemmer dae Sunneundergang glueget mit Sicht uf die riiise Stadt. Echt gigantisch gsi.

Aso ich mues saege, es gfallt mir superguet da. Swaetter isch eifach super, immer Sunneschii und sicher oeppe 27 Grad :-) D'Luet sind sooo fruendlich da und au mit minere Gastmueter hani extrem Glueck :-) Und saesse vertraeg ich bis ez superguet (Holzalange...)

Ja, ez froi ich mich sehr bisd Miri am Maentig chunt und mir hoffentli bald oisi Reis choend atraette... :-)

Hasta luego...