Lima / Nasca

Maentig... 06.04.09... 18.30... d'Miri chund zu de Gepaeckkontrolle us... mit 2 Rucksaeck!!!! Es het alles wunderbar klappet und alles isch acho. Jetzt chan au d'Melanie wider lache :-) Nachdem mer bi de Iberia no chli Terror gmacht hend, was aber ueberhaupt nue gnuetzt het, simmer mit eusem Chauffeur uf Miraflores gfahre. Nachem ipuffe (Miri sagt: "was au immer das heisst ;-)") simmer zum Juan und de Angela de naegsch Tag go bespaeche.

Am Zischtig hend mir eus den ufgmacht nach La Victoria zum eusi Busbillet poschte und d'Unterkuenft organisiere. Bis jetzt het also alles nach eusne Vorstellige klappet *holzalange*, d.h. mer hend s'Busbillet fuer die naegschte 2 Statione kauft und eus super Logeplaetz im Bus gsichered *hehe* Am Nomitag simmer de mitem Juan und de Angela is Zentrum vo Lima ines Franziskanerchloschter mit Katachombe (iiiiiiiik... aechti Chnoche :-)) und nachher chli ide Stadt umegschlaenderet und hend eus en Abgasvergiftig gholt :o) zum Znacht hets den bi de Melanie ihrere Gastmueter (und huufe andere Maensche womer noed kenned) Kaffi und Broetli gae. De Dessert isch en Pisco Sour gsi bim Juan und de Angela.

Am naegschte Morge ischs denn am 6i losgange mit packe und Taxisueche und am 7ni ischd Bustour den losgange. D'Fahrt isch zimli unspektakulaer gsi (ussert em Bingo und de paar Filme) und ca. am 2 simmer in Nasca acho. Mir hend eus zFuess ufd Suechi nachem Hotel gmacht, was mer nur durd Hilf vome nette Peruaner gfunde hend! Sind denn spoeter is Zentrum und hend eusi 2 Toure vom naegschte Tag bueched. Mitere Cessna simmer ueberd Nasca-Linie gfloge. Gebilde wo d'Nasca-Iwohner dazumal in Bode gscharred hend. Mer weiss noed warum dass es gmacht hend, es git eifach tusigi Theorie. Neui seged jederzit willkomme :-) De Flug isch im wahrsten Sinne des Wortes heiss gsi aber mega schoen. Hammer ussicht ueber s'ganze Tal und au en super sicht ufd Linie. De ander Trip isch en Usflug gsi is Nowhere zu Nasca-Graeber mit no aechtere Chnoche als i de Katachombe ;-) es het sogar ganzi Mumie gha mit ueber 2 Meter lange Haar... zimlich gruslig.

Nachem Flug simmer zrugg id Unterkunft und d'Miri het de Video welle luege wosi waehrend em Flug gmacht het... si macht s'Taeschli uf und... d'Kamera gheit an Bode... nur oeppe 10-20cm... Futsch... Aus... Tot :-( Objektivfehler.. de Melanie ihre Brueder het denn gmeint da choeni mer nuet meh mache wenns Objektiv kabutt isch... mir hend denn am Abig im Bett ueber Bestellige as Universum gredet und gfunde mer choenteds mache... d'Miri het am morge denn ihri Cam fueregno aber es het leider noed klappet... us luuter wuet und will si eh kabutt isch haut si druf und tadaaaaaaa... s'Objektiv gaht eifach uf... DANKE UNIVERSUM!!!!! :-D jetzt hoffe mer, dass de Melanie ihri Gepaeck-Bestllig au acho isch :-)

Mer gnuessed huet no d'Sunne in Nasca und am 10ni gahts denn wiiter mitem Bus nach Arequipa wos denn sehr warschinli au fruescher wird si... muends jeztz also no gnuesse und brun werde.