S'erste Weekend in Lima

Ez maeld ich mich mal wieder chli schnaeller als vorher...:-) ez gahts nuna ca. 4h bis daenn d'miri da isch...:-) jupii

Di letschte Taeg sind sehr ereignigsriich gsi...Am Friitig Abig han ich mich miteme Peruaner wo ich via enere Kollegin kaenne troffe zum Znachtesse. Isch mega laessig gsi und ich bin gad na raecht gfordert worde mitem Spanisch. Aber ich han zum glueck gmerkt, wie guet ich scho inere Wuche mis spanisch han choene verbessere...:-) (aber ich mues na viiiiel lerne *gg*)

Am Samstig morge han ich es Taxi gna zum Huus wod Eltere vo minere Gastmueter wohned (mini Gastmueter het doete ebe uebernachted). Han ehrlichgseit scho bizli Angst gha so elei im Taxi, vorallem womer daenn dae Taxifahrer na gseit het, dass mir ois gad chli inere gfoerliche Gegend ufhalted. Aber isch zum Glueck alles guet gange und dae Taxifahrer het extra gwarted bis ich is Huus ine bin. (Es sind aso wuerkli noed all Taxifahrer gfoerlich *gg*) Mir sind aschluessend uf Camara gange goge Chleider und Schueh fuer mich poste. Uii, das het sooo viel luet gha und tausende vo Chleider, Schueh und alles moegliche...;-) ich bin uf dae Suechi nacheme Faserpelz gsi, hets aber leider noed gha...jaenu, ez hani daefuer na en warme Pulli und Schueh (mal luege wie lang die hebet *gg*) Nach 3h(!!) sind mir denn aentlich wieder dihei gsi, todkaputt vo dem shopping-marathon mit tausenede vo luet und ere meeega hitz :-) uf di halb6i bini denn mitem Taxi wieder hei und han mich uf di 7ni miteme Schwiizer woni vode Schuel kaenne und mim Lehrer und sinere Schwiizer Fruendin, wo momentan gad da isch, zum znacht troffe. Han es uu feins Peruanischs gricht gaesse. jamiii :-) (lomo saltano) Nachher simmer na go zuetate vo Pisco Sour poste und hend ide Wohnig vom Lehrer Pisco Sour gmacht :-) isch uuu fein.

Am Sunntig morge hani mich wieder mitem peruanische Kolleg troffe woni scho am Friitig troffe han. Er het mir denn die div. Busterminals zeiget und mir sind waege dae Abfahrtsziite goge frage und waege dae Prise...spoeter sind mir zu ihm hei gange und ich han sini Familie na doerfe kaennelerne. Jamii und hend mich wieder uu fein bechocht :-) Spoeter bin ich denn mitem eltere Brueder vo ihm as Meer gange wo wuerkli uu wiit weg gsi isch (han mi aso daenn scho nuem wohl gfuehlt daebi). isch aber wuerkli en ganz schoene Strand gsi. mir sind selbstverstaendlich mit dae oeffentliche Verkehrsmittel gange. Isch na ganz lustig...aber so ohni Begleitig vomene Peruaner waer ich absolut ufgschmisse ;-) Er het mich daenn schoen wiede uf Miraflores bracht und uf di 7ni bini na zum znacht bim Lehrer und sinere Fruendin iglade gsi :-) Nachem Znacht simmer na is Kino goge Monstrous vs. Aliens luege...naaajaaa, mer hets guet verstande aber sooo super isch dae Film noed gsi ;)

Isch super, min Leher het mir ez huet en Transport an Flughafe und wieder zrugg choene organisiere...es segi amel ebe raecht gfoerlich waemmer es Taxi an Flughafe naemi und nacher wieder es anders zrugg...so bin ich ez froh :-)

Ja, dae waeris glaubs fuer dae moment... :-)

Danke viel mal fuer oii Kommentaer und froi mi vo oi zghoere :-)